യാത്രാപ്രേമികൾക്ക് സുവർണ്ണാവസരമൊരുക്കിക്കൊണ്ട് എയർ ഇന്ത്യ എക്സ്പ്രസ്സ് തങ്ങളുടെ ഏറ്റവും പുതിയ പ്രൊമോഷണൽ ഓഫറുകൾ പ്രഖ്യാപിച്ചു. ആഭ്യന്തര, അന്താരാഷ്ട്ര സർവീസുകളുടെ വിമാന ടിക്കറ്റുകൾക്ക് 50 ശതമാനം വരെ ഇളവാണ് ഈ പരിമിതകാല ഓഫറിലൂടെ എയർലൈൻ മുന്നോട്ടുവെക്കുന്നത്. വരാനിരിക്കുന്ന യാത്രാ സീസണിൽ കുറഞ്ഞ ചിലവിൽ യാത്ര ചെയ്യാൻ ആഗ്രഹിക്കുന്നവർക്കായി ഏതാണ്ട് 50 ലക്ഷത്തോളം (5 മില്യൺ) സീറ്റുകളാണ് കമ്പനി ഈ ഓഫറിന് കീഴിൽ മാറ്റിവെച്ചിരിക്കുന്നത്.
2026 മേയ് 31 വരെയാണ് ടിക്കറ്റുകൾ ബുക്ക് ചെയ്യാനുള്ള സമയം. ഈ ഓഫർ വഴി എടുക്കുന്ന ടിക്കറ്റുകൾ ഉപയോഗിച്ച് 2026 ജൂൺ 15 മുതൽ ഒക്ടോബർ 10 വരെയുള്ള കാലയളവിൽ യാത്ര ചെയ്യാവുന്നതാണ്.
ഓഫറിന്റെ പ്രധാന ആകർഷണങ്ങൾ.
പ്രധാനമായും രണ്ട് തരം ഫെയർ (Fare) കാറ്റഗറികളിലാണ് ഈ ഇളവ് ലഭ്യമാകുന്നത്:
- എക്സ്പ്രസ്സ് ലൈറ്റ് (Xpress Lite):വെറും ക്യാബിൻ ബാഗേജ് (ഹാൻഡ് ലഗേജ്) മാത്രം കൈയ്യിൽ കരുതി യാത്ര ചെയ്യുന്നവർക്കായി രൂപപ്പെടുത്തിയിട്ടുള്ളത്.
- എക്സ്പ്രസ്സ് വാല്യൂ (Xpress Value): ചെക്ക്-ഇൻ ബാഗേജ് സൗകര്യവും ഒപ്പം യാത്രകളിൽ കൂടുതൽ ഫ്ലെക്സിബിലിറ്റിയും ആഗ്രഹിക്കുന്നവർക്ക് ഇത് തിരഞ്ഞെടുക്കാം.
ലഭ്യതയ്ക്കും റൂട്ടുകൾക്കും അനുസരിച്ച് ബേസ് ഫെയറുകളിൽ (Base Fares) 50% വരെ ലാഭിക്കാൻ യാത്രക്കാർക്ക് സാധിക്കും. ഇന്ത്യയിലെ പ്രമുഖ നഗരങ്ങളായ ഡൽഹി, മുംബൈ, ബംഗളൂരു, ചെന്നൈ, കൊച്ചി, ഹൈദരാബാദ് എന്നിവടങ്ങളിലേക്കുള്ള ആഭ്യന്തര റൂട്ടുകളിലും മിഡിൽ ഈസ്റ്റ് (ഗൾഫ് നാടുകൾ), സൗത്ത് ഈസ്റ്റ് ഏഷ്യ എന്നിവിടങ്ങളിലെ അന്താരാഷ്ട്ര ഡെസ്റ്റിനേഷനുകളിലും ഈ ഓഫർ ലഭ്യമാണ്.
ഈ സെയിൽ യാത്രക്കാർക്ക് എന്ത് കൊണ്ട് പ്രധാനപ്പെട്ടതാകുന്നു?
അടുത്ത കാലത്തായി പ്രധാന റൂട്ടുകളിലെല്ലാം തന്നെ വിമാനനിരക്കുകൾ വളരെ ഉയർന്ന നിലയിലാണ്, പ്രത്യേകിച്ച് ആളുകൾ കൂടുതൽ യാത്ര ചെയ്യുന്ന പീക്ക് സീസണുകളിൽ. അവസാന നിമിഷം വലിയ തുക നൽകി ടിക്കറ്റെടുക്കുന്നതിന് പകരം, ഈ എയർ ഇന്ത്യ എക്സ്പ്രസ്സ് സെയിൽ വഴി യാത്രകൾ മുൻകൂട്ടി പ്ലാൻ ചെയ്ത് കുറഞ്ഞ നിരക്കിൽ ടിക്കറ്റുകൾ ഉറപ്പാക്കാൻ സാധിക്കും. വരാനിരിക്കുന്ന വേനൽക്കാല-ഉത്സവ സീസണുകളിൽ യാത്ര ചെയ്യുന്നവർക്ക് പോക്കറ്റ് ചോരാതെ നോക്കാൻ ഇതൊരു മികച്ച അവസരമാണ്.
വെബ്സൈറ്റ് വഴി നേരിട്ട് ബുക്ക് ചെയ്താൽ ‘സീറോ കൺവീനിയൻസ് ഫീ’
എയർ ഇന്ത്യ എക്സ്പ്രസ്സിന്റെ ഔദ്യോഗിക വെബ്സൈറ്റ് വഴിയോ മൊബൈൽ ആപ്പ് വഴിയോ നേരിട്ട് ടിക്കറ്റ് ബുക്ക് ചെയ്യുന്ന യാത്രക്കാരിൽ നിന്നും കൺവീനിയൻസ് ഫീ ഈടാക്കുന്നതല്ല. ഒറ്റനോട്ടത്തിൽ ഇത് ചെറിയൊരു ലാഭമായി തോന്നാമെങ്കിലും, മറ്റ് തേർഡ് പാർട്ടി ബുക്കിങ് സൈറ്റുകളുമായി താരതമ്യം ചെയ്യുമ്പോൾ മൊത്തം ടിക്കറ്റ് തുകയിൽ വലിയൊരു വ്യത്യാസം വരുത്താൻ ഇത് സഹായിക്കും.
ലോയൽറ്റി മെമ്പർമാർക്ക് അധിക ആനുകൂല്യങ്ങൾ.
ടാറ്റാ നിയൂപാല് (Tata NeuPass) അംഗങ്ങൾക്ക് ഈ സെയിൽ കാലയളവിൽ കൂടുതൽ ലാഭിക്കാനുള്ള അവസരമുണ്ട്:
- ബിസിനസ് ക്ലാസ് ടിക്കറ്റുകൾക്ക് 20% വരെ ഇളവ്.
- വിമാനത്തിലെ ഭക്ഷണം, സീറ്റ് സെലക്ഷൻ, അധിക ബാഗേജ് എന്നിവയ്ക്ക് പ്രത്യേക ഡിസ്കൗണ്ടുകൾ.
- 8% വരെ ന്യൂകോയിൻസുകളായി (NeuCoins) ക്യാഷ്ബാക്ക് ലഭിക്കാനുള്ള അവസരം.
ടാറ്റാ ഇക്കോസിസ്റ്റം സ്ഥിരമായി ഉപയോഗിക്കുന്ന ഒബ്പോഴുമുള്ള യാത്രക്കാർക്ക് ഈ ആനുകൂല്യങ്ങൾ ഏറെ പ്രയോജനം ചെയ്യും.
കൊച്ചി – ബംഗളൂരു റൂട്ടിലെ ലാഭം (ഉദാഹരണം)
ദക്ഷിണേന്ത്യയിലെ ഏറ്റവും തിരക്കേറിയ ആഭ്യന്തര റൂട്ടുകളിലൊന്നാണ് കൊച്ചി – ബംഗളൂരു സെക്ടർ. കേരളത്തിനും കർണാടകത്തിനുമിടയിൽ സ്ഥിരമായി യാത്ര ചെയ്യുന്ന വിദ്യാർത്ഥികൾക്കും ഐടി പ്രൊഫഷണലുകൾക്കും ബിസിനസ്സുകാർക്കും ഈ ഓഫർ വലിയൊരു അനുഗ്രഹമാണ്.
സാധാരണയായി ഈ റൂട്ടിൽ വൺ-വേ ടിക്കറ്റ് നിരക്ക് ഡിമാൻഡ് അനുസരിച്ച് ₹3,500 മുതൽ ₹6,500 വരെ വരാറുണ്ട്. എന്നാൽ ഈ സെയിൽ സമയത്ത് നിരക്കുകൾ ഇപ്രകാരം കുറയാൻ സാധ്യതയുണ്ട്:
- എക്സ്പ്രസ്സ് ലൈറ്റ്: ₹1,800 – ₹3,000. എക്സ്പ്രസ്സ് വാല്യൂ: ₹2,800 – ₹4,200.
മുൻകൂട്ടി ബുക്ക് ചെയ്യുന്നതിലൂടെ ഒരു ടിക്കറ്റിൽ മാത്രം ഏതാണ്ട് ₹2,000 മുതൽ ₹3,000 വരെ ലാഭിക്കാൻ യാത്രക്കാർക്ക് സാധിക്കും.
ഡൽഹി – ദുബായ് റൂട്ടിലെ ലാഭം (ഉദാഹരണം).
ഈ സെയിലിൽ ഏറ്റവും കൂടുതൽ ആവശ്യക്കാരുണ്ടാകാൻ സാധ്യതയുള്ള ഒരു അന്താരാഷ്ട്ര റൂട്ടാണ് ഡൽഹി – ദുബായ്. ടൂറിസം, തൊഴിൽ, കുടുംബസന്ദർശനം എന്നിവയ്ക്കായി ഒരുപോലെ ആളുകൾ ആശ്രയിക്കുന്ന ഒരു മേഖലയാണിത്.
സാധാരണയായി ഈ റൂട്ടിലെ റൗണ്ട് ട്രിപ്പ് (പോയി വരാനുള്ള) നിരക്ക് ₹22,000 മുതൽ ₹35,000 വരെയാണ്. ഓഫർ കാലയളവിൽ ഇത് ഇങ്ങനെയൊക്കെ കുറയാം:
- എക്സ്പ്രസ്സ് ലൈറ്റ്: ₹11,000 – ₹14,000
- എക്സ്പ്രസ്സ് വാല്യൂ: ₹16,000 – ₹19,000
ഇതുവഴി ഒരു ടിക്കറ്റിൽ തന്നെ ഏകദേശം ₹14,000 വരെ ലാഭിക്കാനുള്ള അവസരമാണ് ഒരുങ്ങുന്നത്.
വിദ്യാർത്ഥികൾക്കും മുതിർന്ന പൗരന്മാർക്കും പ്രത്യേക ആനുകൂല്യങ്ങൾ
പൊതുവായ ഡിസ്കൗണ്ടുകൾക്ക് പുറമെ തിരഞ്ഞെടുത്ത വിഭാഗങ്ങളിൽ പെടുന്ന യാത്രക്കാർക്ക് പ്രത്യേക ആനുകൂല്യങ്ങളും എയർലൈൻ നൽകുന്നുണ്ട്:
വിദ്യാർത്ഥികൾക്ക്: അധിക ബാഗേജ് അലവൻസ്.
മുതിർന്ന പൗരന്മാർക്ക്: പ്രത്യേക റൂട്ടുകളിൽ ഡിസ്കൗണ്ട് നിരക്കുകൾ.
പ്രതിരോധ ഉദ്യോഗസ്ഥർക്ക് (Defense personnel): പ്രത്യേക ഇളവുകൾ.
ചെറുകിട-ഇടത്തരം സംരംഭകർക്ക് (SME):ടിക്കറ്റുകൾ ബുക്ക് ചെയ്യുമ്പോൾ FLYSME എന്ന പ്രൊമോ കോഡ് ഉപയോഗിക്കാം.
വരാനിരിക്കുന്ന ജൂൺ – ഒക്ടോബർ മാസങ്ങളിൽ യാത്രകൾ പ്ലാൻ ചെയ്യുന്നവർക്ക് ഈ സീസണിൽ ലഭിക്കുന്ന ഏറ്റവും മികച്ച എയർലൈൻ പ്രൊമോഷനുകളിൽ ഒന്നാണ് എയർ ഇന്ത്യ എക്സ്പ്രസ്സ് സെയിൽ. കുറഞ്ഞ നിരക്കുകൾ, കൺവീനിയൻസ് ഫീ ഒഴിവാക്കൽ, ലോയൽറ്റി ആനുകൂല്യങ്ങൾ എന്നിവയെല്ലാം ചേരുമ്പോൾ ആഭ്യന്തര-അന്താരാഷ്ട്ര യാത്രക്കാർക്ക് ഇത് മികച്ചൊരു ഡീൽ തന്നെയാണ്. ജനപ്രിയ റൂട്ടുകളിലെ സീറ്റുകൾ വേഗത്തിൽ വിറ്റുതീരാൻ സാധ്യതയുള്ളതിനാൽ എത്രയും വേഗം ടിക്കറ്റുകൾ ബുക്ക് ചെയ്യുന്നതായിരിക്കും ബുദ്ധി.
