ഉത്തരാഖണ്ട് വന്യജീവി സങ്കേതത്തിലെ മഞ്ഞുപുലികൾ വെറുമൊരു പ്രേതകഥയല്ല; നേരിട്ട് കാണാം ഗംഗോത്രി വന്യജീവി സങ്കേതത്തിലെത്തിയാൽ.

ഹിമാലയത്തിലെ മഞ്ഞിലിരുന്നുകൊണ്ട് താഴെയുള്ള ലോകത്തെ ഉറ്റുനോക്കുന്ന ഒരാളുണ്ട്. അവിടെയുള്ള ഗ്രാമീണ രുടെ പേടിസ്വപ്നമായ, മലനിരകളിലെ പ്രേതം (Ghost of the Mountains) എന്നൊക്കെ പേരുള്ള മഞ്ഞുപുലിയെന്ന Snow Leopard. കല്ലുപോലുള്ള മഞ്ഞിനിടയിൽ പെട്ടെന്നൊന്നും ആരുടെയും കണ്ണിൽപ്പെടാതെ ഇവനുണ്ടാവും. വന്യജീവി പ്രേമികൾക്ക് എക്കാലവും ഒരു അത്ഭുതമാണ് ഉത്തരാഖണ്ട് വന്യജീവി സങ്കേതത്തിലെ മഞ്ഞുപുലികൾ. മഞ്ഞു മൂടിയ മലനിരകളിൽ വളരെ അപൂർവ്വമായി മാത്രം പ്രത്യക്ഷപ്പെടുന്ന ഈ ജീവി ഹിമാലയൻ വന്യതയുടെ നിഗൂഢ സൗന്ദര്യമാണ്. പറഞ്ഞു വരുന്നത് വെറുമൊരു പ്രേതകഥയല്ല, അല്പം സാഹസീകത കയ്യിലുണ്ടെങ്കിൽ ഇനി ഈ പ്രേതത്തെ തൊട്ടടുത്തു കാണാം.

മഞ്ഞുപുലികൾ: സവിശേഷതകളും അവ നേരിടുന്ന വംശനാശ ഭീഷണിയും.

സവിശേഷതകൾ

ഹിമാലയൻ മലനിരകളിലെ അതിശൈത്യത്തെ അതിജീവിക്കാൻ പ്രകൃതിദത്തമായ കഴിവുകളുള്ള അപൂർവ്വയിനം വലിയ പൂച്ചവർഗ്ഗമാണ് മഞ്ഞുപുലികൾ (Snow Leopard)സമുദ്രനിരപ്പിൽ നിന്ന് 3,000 മുതൽ 4,500 മീറ്റർ വരെ ഉയരത്തിലുള്ള ദുർഘടമായ പാതകളിലാണ് ഇവ സാധാരണയായി വസിക്കുന്നത്. മൈനസ് 40 ഡിഗ്രി സെൽഷ്യസ് വരെയുള്ള കഠിനമായ തണുപ്പിനെ പ്രതിരോധിക്കാൻ സഹായിക്കുന്ന കട്ടിയുള്ള രോമങ്ങളും, മഞ്ഞിലൂടെ നടക്കുമ്പോൾ വഴുതിപ്പോകാതിരിക്കാൻ സഹായിക്കുന്ന വലിയ പാദങ്ങളും ഇവയുടെ പ്രത്യേകതയാണ്. ഹിമാലയൻ ബ്ലൂ ഷീപ്പ് (ഭരൽ), ഐബെക്സ് തുടങ്ങിയ ജീവികളെ വേട്ടയാടി ജീവിക്കുന്ന ഇവയെ മറ്റ് പൂച്ചവർഗ്ഗങ്ങളിൽ നിന്ന് വ്യത്യസ്തമാക്കുന്നത് ഇവയ്ക്ക് ഗർജ്ജിക്കാൻ കഴിയില്ല എന്ന പ്രത്യേകതയാണ്.

പ്രതിസന്ധികൾ

നിലവിൽ ലോകത്താകെ അയ്യായിരത്തോളം മഞ്ഞുപുലികൾ മാത്രമേ അവശേഷിക്കുന്നുള്ളൂ എന്നാണ് കണക്കുകൾ സൂചിപ്പിക്കുന്നത്. ആഗോളതാപനം മൂലം മഞ്ഞുപാളികൾ ഉരുകുന്നതും ഇവയുടെ ആവാസവ്യവസ്ഥയിൽ മനുഷ്യർ നടത്തുന്ന ഇടപെടലുകളും വലിയൊരു ഭീഷണിയാണ് ഉയർത്തുന്നത്. അന്താരാഷ്ട്ര വിപണിയിൽ ഇവയുടെ ചർമ്മത്തിനും എല്ലുകൾക്കും വേണ്ടിയുള്ള വേട്ടയാടലും ഇവ നേരിടുന്ന മറ്റൊരു പ്രധാന വെല്ലുവിളിയാണ്. വംശനാശത്തിന്റെ വക്കിലുള്ള ജീവികളുടെ പട്ടികയിൽ (IUCN Vulnerable List) ഉൾപ്പെട്ട ഇവയുടെ സംരക്ഷണം ഉറപ്പാക്കേണ്ടത് ഹിമാലയൻ പരിസ്ഥിതിയുടെ നിലനിൽപ്പിന് അത്യന്താപേക്ഷിതമാണ്. അതുകൊണ്ടുതന്നെയാണ് ഉത്തരാഖണ്ട് വന്യജീവി സങ്കേതത്തിലെ മഞ്ഞുപുലികൾ ഓരോ സഞ്ചാരിക്കും പ്രകൃതി സ്നേഹിക്കും ഒരുപോലെ പ്രിയപ്പെട്ടതാകുന്നത്.

കൂടുതൽ വായിക്കാം: വാല്മീകി കടുവ സങ്കേതത്തിലെ കടുവകളും മുളങ്കുടിലുകളും. കാടിന്റെ മനോഹരമായ കാഴ്ചകൾ.

ഗംഗോത്രി വന്യജീവി സങ്കേതം:മഞ്ഞുപുലികളുടെ പ്രധാന ആവാസകേന്ദ്രം.

ഇന്ത്യയിലെ വന്യജീവി ടൂറിസത്തിന്റെ ഭൂപടത്തിൽ ഉത്തരാഖണ്ട് വഹിക്കുന്ന പങ്ക് വളരെ വിലപ്പെട്ടതാണ്. ജിം കോർബറ്റ് നാഷണൽ പാർക്കും (Jim Corbett National Park) രാജാജി നാഷണൽ പാർക്കുമെല്ലാം(Rajaji National Park) കടുവകൾക്കും ആനകൾക്കും പേരുകേട്ടതാണു. എന്നാൽ ഹിമാലയത്തിന്റെ ഉയരങ്ങളിലെ രാജാവായ മഞ്ഞുപുലികളെ കാണണമെങ്കിൽ ഗംഗോത്രി നാഷണൽ പാർക്കിൽ തന്നെ വരണം. അതിമനോഹരമായ മഞ്ഞുമലകളും ആൽപൈൻ പുൽമേടുകളും നിറഞ്ഞ ഈ പാർക്ക് അന്യംനിന്നുകൊണ്ടിരിക്കുന്ന ഈ അപൂർവ ജീവിവർഗത്തിന്റെ സുരക്ഷിതമായ ആവാസകേന്ദ്രമാണ്.
സാധാരണഗതിയിൽ മെയ് മാസം മുതൽ ഒക്ടോബർ വരെയാണ് ഇവിടേക്ക് സഞ്ചാരികൾ എത്താറുള്ളത്. എന്നാൽ മഞ്ഞുപുലികളെ കാണാൻ ഏറ്റവും അനുയോജ്യമായ സമയം കഠിനമായ ശൈത്യകാലമാണ്. കൊടുംതണുപ്പ് തുടങ്ങുന്നതോടെ മലമുകളിൽ നിന്ന് ഇവർ ഭക്ഷണം തേടി താഴ്ന്ന പ്രദേശങ്ങളിലേക്ക് ഇറങ്ങിവരും. ഈ സമയത്താണ് ഗംഗോത്രി വന്യജീവി സങ്കേതത്തിലെത്തിയാൽ അവയെ കാണുവാൻ കഴിയുക.

വന്യജീവി വിനോദസഞ്ചാരത്തിലെ പുതിയ കാൽവെയ്പു.

ഉത്തരാഖണ്ഡ് സർക്കാർ പ്രഖ്യാപിച്ച പുതിയ ശീതകാല സഫാരി (Winter Wildlife Safari) പദ്ധതി ഇന്ത്യയിലെ വന്യജീവി ടൂറിസത്തിന് (Wildlife Tourism) പുതിയൊരു മുഖംതന്നെ നൽകും. സമതലങ്ങളിലെ സാധാരണ വനയാത്രകളിൽ നിന്ന് മാറി, സമുദ്രനിരപ്പിൽ നിന്ന് ഏറെ ഉയരത്തിലുള്ള ഹിമാലയൻ മലനിരകളിലേക്കാണ് ഈ ടൂർ സഞ്ചാരികളെ കൊണ്ടുപോകുന്നത്. ഈ പദ്ധതിയുടെ പ്രധാന ലക്ഷ്യങ്ങൾ ഇവയാണ്:

• ആവാസവ്യവസ്ഥയുടെ സംരക്ഷണം: മഞ്ഞുപുലികളുടെ സംരക്ഷണത്തിനായി ഫണ്ട് കണ്ടെത്തുക.
• പ്രാദേശിക സമൂഹത്തിന്റെ പങ്കാളിത്തം: ഗൈഡുകളായും ഹോംസ്റ്റേ ഉടമകളായും പ്രവർത്തിക്കുന്നതിലൂടെ പ്രാദേശിക ജനതയ്ക്ക് തൊഴിൽ നൽകുക.
• ബോധവൽക്കരണം: ഹിമാലയൻ പരിസ്ഥിതി നേരിടുന്ന വെല്ലുവിളികളെക്കുറിച്ച് സഞ്ചാരികളെ ബോധവാന്മാരാക്കുക.

സാഹസിക സഞ്ചാരികൾ അറിഞ്ഞിരിക്കേണ്ട കാര്യങ്ങൾ.

ഉത്തരാഖണ്ട് വന്യജീവി സങ്കേതത്തിലെ മഞ്ഞുപുലികൾ വെറുമൊരു കാഴ്ചയല്ല, അതൊരു വലിയ സാഹസികത കൂടിയാണ്. സമുദ്രനിരപ്പിൽ നിന്ന് 3000 മീറ്ററിലധികം ഉയരത്തിലുള്ള പ്രദേശങ്ങളിലൂടെയാണ് ഈ യാത്ര കടന്നുപോകുന്നത്. കൊടുംതണുപ്പും ദുർഘടമായ പാതകളും ഈ യാത്രയുടെ ഭാഗമാണ്. അതിനാൽ ശാരീരികക്ഷമതയും ക്ഷമയും അത്യാവശ്യമാണ്. ഗംഗോത്രിയിൽ എത്തുന്നതിന് മുമ്പ് ആവശ്യമായ പെർമിറ്റുകളും കൃത്യമായ പ്ലാനിംഗും വേണം. വന്യജീവികളെ ശല്യപ്പെടുത്താത്ത രീതിയിലുള്ള ‘എത്തിിക്കൽ ടൂറിസം’ (Ethical Tourism) ആണ് ഇവിടെ നടപ്പിലാക്കുന്നത്.

എങ്ങനെ എത്തിച്ചേരാം?

ഗംഗോത്രി വന്യജീവി സങ്കേതത്തിലേക്കുള്ള യാത്ര അതിമനോഹരമാണ്. ദേവദാരു വനങ്ങളും അഗാധമായ താഴ്വരകളും കടന്നുള്ള ആ യാത്ര ഏതു സഞ്ചാരിയെയും മോഹിപ്പിക്കും.

• വിമാനം: ഡെറാഡൂണിലെ ജോളി ഗ്രാന്റ് എയർപോർട്ടിൽ ഇറങ്ങാം.
• ട്രെയിൻ: ഋഷികേശ് റെയിൽവേ സ്റ്റേഷനാണ് ഏറ്റവും അടുത്തുള്ളത്.
• റോഡ്: ഋഷികേശിൽ നിന്ന് ഉത്തരകാശി വഴി ഹർഷിലിലേക്ക് ടാക്സി ലഭ്യമാണ്. അവിടെ നിന്ന് സങ്കേതത്തിലേക്കുള്ള യാത്ര ആരംഭിക്കാം.

മഞ്ഞുവീഴ്ച കാരണം റോഡുകൾ ഏതു നിമിഷവും അടയ്ക്കാൻ സാധ്യതയുള്ളതിനാൽ യാത്ര പുറപ്പെടുന്നതിന് മുമ്പ് കാലാവസ്ഥാ റിപ്പോർട്ടുകൾ പരിശോധിക്കണം.

ഹിമാലയൻ വിസ്മയങ്ങളിലേക്കൊരു സാഹസിക യാത്ര

യഥാർത്ഥത്തിൽ, മഞ്ഞുപുലികളെ തേടിയുള്ള ഈ യാത്ര വെറുമൊരു കാഴ്ച കാണൽ മാത്രമല്ല; അത് പ്രകൃതിയുടെ നിഗൂഢതകളോടുള്ള ഒരു ആദരവ് കൂടിയാണ്. തിരക്കുപിടിച്ച ജീവിതത്തിനിടയിൽ നിന്ന് ഹിമാലയത്തിന്റെ ഏകാന്തതയിലേക്ക് നമ്മൾ എത്തുമ്പോൾ, വംശനാശത്തിന്റെ ഭീഷണി നേരിടുന്ന ഈ ജീവികൾ നമ്മോട് സംസാരിക്കുന്നത് പരിസ്ഥിതിയുടെ നിലനിൽപ്പിനെക്കുറിച്ച് കൂടിയാണ്. ഹിമാലയൻ മലനിരകളിലെ തണുപ്പിനെ വകഞ്ഞുമാറ്റി ഗംഗോത്രിയുടെ താഴ്‌വരകളിലേക്ക് നിങ്ങൾ എത്തുമ്പോൾ, ആ കുന്നുകൾക്കിടയിൽ എവിടെയോ മറഞ്ഞിരുന്ന് നിങ്ങളെയും നിരീക്ഷിച്ചുകൊണ്ട് ആ ‘മലനിരകളിലെ പ്രേതം’ ഉണ്ടാകുമെന്ന് ഓർക്കുക. വന്യതയെ സ്നേഹിക്കുന്ന ഏതൊരാളും ജീവിതത്തിൽ ഒരിക്കലെങ്കിലും അനുഭവിക്കേണ്ട ഒന്നാണ് ഉത്തരാഖണ്ട് വന്യജീവി സങ്കേതത്തിലെ മഞ്ഞുപുലികൾ പകരുന്ന ഈ സാഹസികാനുഭവം.